Suv

O‘zbekistonning Xorazm va Qoraqalpog‘iston hududlarida suv tanqisligi tobora chuqurlashib borayotgan bir paytda fermerlar yangi muammoga duch kelmoqda. Bir tomonda iqlim o‘zgarishi oqibatida kamayib borayotgan suv resurslari, ikkinchi tomonda esa suv tejovchi texnologiyalarni joriy etish uchun olingan kreditlar ularning iqtisodiy ahvoliga jiddiy ta’sir ko‘rsatmoqda. Bir necha yil avval ko‘plab fermerlar uchun tomchilatib sug‘orish tizimi kelajak umidi sifatida ko‘ringan edi. Dalalarga zamonaviy quvurlar yotqizildi, bank kreditlari olindi va hosildan tushadigan daromad hisobiga xarajatlarni qoplash rejalashtirildi. Biroq amalda hamma ham kutilgan natijaga erisha olmadi. Ayrim fermerlar uchun hosil xarajatlarni qoplash o‘rniga yangi qarzlarning boshlanishiga sabab bo‘ldi.